Friday, January 2, 2009

+ သားကောင်းမိခင်


ကျောင်းဆင်းအရာရှိလောင်းဘ၀မှသည် ယနေ့ထိတိုင် ကျွန်တော့် မိခင်ကို မျက်ရည်ကျအောင် ကျွန်တော်ပြုလုပ်ခဲ့မိသည်။ ထိုမျက်ရည်များက ၀မ်းသာလွန်းလို့ မျက်ဝန်းအိမ်များ စိုစွတ်လာသော မိခင်တစ်ယောက်၏ နွေးထွေးသော မျက်ရည်များဖြစ်သည်။ ကျောင်းဆင်းလို့ အရာရှိငယ်ဘ၀ဖြင့် ကျွန်တော်တာဝန်ကျရာတပ်သို့ ရောက်ရှိချိန်တွင် အမေသည် ကျွန်တော့်ကို မူကြိုကျောင်းသားတစ်ယောက်ကို ကျောင်းလာပို့သကဲ့သို့ပင် မြင်ပုံရသည်။ တတွတ်တွတ်ဖြင့် မှာမဆုံး။ ချက်ပြုတ်ကြော်လှော်လာသော အကြော်ဘူးများကလည်း တစ်ယောက်တည်း စားလို့ကတော့ တော်တော်ဖြင့်စားကုန်မှာမဟုတ်။ ကျွန်တော့်အဆောင်ရှေ့မှ ပြန်လည်ထွက်ခါသွားချိန်တွင် မျက်ရည်များတသွင်သွင်ကျကာ လက်ပြနှုတ်ဆက်ခဲ့သော အမေ....

စစ်သားတို့တာဝန်အတိုင်းကျရာနေရာတွင် ကျရာတာဝန်ကို ထမ်းဆောင်နေရသောကြောင့် အမေ့အိမ်သို့မပြန်ဖြစ်ခဲ့။ အမေကတော့ သားမောင်စစ်သားကြီးဆီသို့ လူမလာနိုင်တောင် စာလွှာလေးများရောက်အောင် အဆက်အသွယ်မပြတ်ရှိခဲ့သည်။ ကျွန်တော်မေ့မရသော ၂၀၀၈ခုနှစ် ဇန်န၀ါရီလ၏ရက်တစ်ရက်တွင် ရှေ့တန်းထွက်ရမည်ဟု အမေ့ကို အကြောင်းကြားလိုက်ချိန်တွင် အမေ မူးလဲသွားခဲ့သည်တဲ့။ အကြောင်းကြားပြီး နှစ်ရက်အကြာတွင် အမေ..ကျွန်တော့်ဆီရောက်လာပါသည်။ စကားပင်မပြောပဲ ကျွန်တော့်ခေါင်းကို ပွတ်ကာ ဘုရားစာများကိုသာ နာရီတော်တော်ကြာအောင်ရွတ်ပေးနေတဲ့ အမေ.....

ကျွန်တော်ရှေ့တန်းစစ်မြေပြင်သို့ရောက်ရှိချိန်တွင် ကျွန်တော်သတိအရဆုံးကတော့ ကျွန်တော့်ချစ်သူထက် အမေ့ကိုသာဖြစ်သည်။ မျှော်မိသော စာများသည် အမေ့ဆီမှ စာများပင်ဖြစ်သည်။ တစ်ဖက်နှင့်တစ်ဖက် ပစ်ကျခတ်ကျတိုင်း မျက်ဝန်းအိမ်တွင် အမေ့ကိုသာ မြင်ယောင်မိသည်။ ယန်းငွေ့တွေဝေနေတဲ့ စစ်မြေတလင်းက အမေ့သားရင်သွေးက အမေနှင့် အမေ့ လိုပဲသားတွေကို ချစ်တဲ့ မေမေတွေကို ကာကွယ်ဖို့ တိုက်ပွဲဝင်နေကြပြီ အမေ...

၂၀၀၈ခုနှစ် ဒီဇင်ဘာလ ၂၈ရက်.. ကျွန်တော်တို့စစ်ဌာနချုပ်လက်အောက်ခံတပ်တွေ နောက်တန်းပြန်ရပြီ အမေ.. တောင်ငူကို ရောက်တော့ အမေ့ဆီ ဖုန်းဆက်ပြီး "ကျွန်တော် မသေဘူး အမေ။ အမေ့ဆီ ကျွန်တော်ပြန်လာခဲ့မယ်" လို့ပြောလိုက်ချိန် ချုံးပွဲချငိုခဲ့တဲ့ အမေ....

"အမေ.. အမေကတောင် သားတစ်ယောက်တည်းကို ဒီလောက်တောင် စိတ်သောကရောက်ပူပင်နေတယ်ဆိုရင် သားသူငယ်ချင်း အမွှာနှစ်ယောက်အမေဆို ဘယ်လိုလုပ်မလည်း..အမေ။ သူတို့တွေဆို ဒီသားလေးနှစ်ယောက်တည်းရှိတာကို စစ်ထဲသွင်းလိုက်ရတာ ဘယ်လောက်တောင် ပူပင်နေမလည်းဗျာ။" အမေပြန်ပြောလိုက်တဲ့စကားလေးဖြင့် ရင်ထဲကို အေးကာ အမေ့ရင်ခွင်သို့ တိုးဝင်မိခဲ့သည်။
အမေပြောလိုက်တဲ့စကားလေးကတော့ "သားရယ်...ဘယ်မိဘမဆို သားတစ်ယောက်ဖြင့်ဖြင့် နှစ်ယောက်ဖြစ်ဖြစ် ပူတာကတော့ အတူတူပါပဲ။ သားသူငယ်ချင်းအမေကတော့ အမေ့ထက်ကို စံပြဖြစ်သင့်တဲ့သားကောင်းမိခင်တစ်ယောက်ပါ။ သား ဒီလိုဘေးမသီရန်မခပဲပြန်လာတာတောင် မေမေဒီလောက်ဝမ်းသာရင် သားသူငယ်ချင်းနှစ်ယောက်ရဲ့ မေမေလည်း နှစ်ဆ၀မ်းသာသွားမှာပါကွယ်။ သားလေးက မေမေ့အတွက် ထာဝရမူကြိုကျောင်းသားအရွယ်လေးပါကွယ်။"


7 comments:

အလင်းရောင် said...

ကျေးဇူးတင်ပါတယ်ဗျာ။ ကဗျာလေးချီမြင့်ပေးတဲ့အတွက်ပေါ့။ အကိုဆီကိုရောက်ဖြစ်ပါတယ် အထူးသဖြင့်အကိုနဲ့ ကိုဥာဏ်ဆီ ရောက်များတယ်။ အားလည်းကျပါတယ်။ အကိုက စစ်ဆေးကနော်... ညီလေးတို့က မသိပါဘူး။ အခုလို သိရတော့ အရမ်းဝမ်းသာပါတယ်ဗျာ။

may16 said...

အမေကိုချစ်တဲ့အကြောင်းရေးထားတာ ဖတ်လို့ကောင်းတဲ့ပို့စ်လေးပါ

Unknown said...

လှိုက်လှိုက်လှဲလှဲအမေ့ကိုလွမ်းသွားတယ်.....ကောင်းတယ်
ဆက်ရေးပါ...အားပေးနေပါတယ်.....

ဖြိုးငယ် said...

မှန်ပါတယ် .. ကျွန်တော်ကတော့ ကိုယ်ချင်းစာတယ်ဗျာ .. တစ်ယောက်ပဲရှိရှိ .. နှစ်ယောက်ပဲရှိရှိ .. သုံးယောက်ပဲရှိရှိ .. မိခင်တိုင်းကို ကိုယ်ချင်းစာတယ် .. လေးစားတယ်ဗျာ ... အားလုံးဟာ သားကောင်းမိခင်ပဲလို့ ယူဆတယ်..
သူတို့ အားလုံးဟာ ခံစားချက်ချင်းတူနေကြတာပဲလေ ..

GreenGirl said...

သားကောင်းမိခင်...


ရင်ဘတ်ချင်းတူရင် သူငယ်ချင်းလုပ်လို့ရပြီ :)
http://www.naykyaryine.com/index.php?option=com_content&view=article&id=110:2008-12-16-19-44-47&catid=38:2008-11-19-23-51-06&Itemid=74

ပန်းခရေ said...

အမေကိုချစ်တဲ့သားတစ်ယောက်
ဘ၀မှာ ပျော်ရွှင်စွာ အဆင်ပြေစွာ ရပ်တည်နိုင်ပါစေလို့
ဆုတောင်းပေးပါတယ်

Unknown said...

ကျွန်တော့်အမေအပေါ် ဆိုးခဲ့မိတာကို ပြန်တွေးပြီး....အမေကိုအရမ်းတွေ့ချင်လာတယ်.အမေနဲ့သားဆိုးတစ်ယောက်ရဲ့အကြောင်းကို ဖတ်ချင်တယ်...ရေးနိုင်မယ်ဆိုရင်ပေါ့....

စာရေးသူ၏ကိုယ်ရေးရာဇ၀င်

 
Image Hosted by ImageShack.us