ကျွန်းစုမြို့လေးမှ ဝေနေယျသုခနှင့် သမားဇာနည်များ

ကျွန်တော်တာဝန်ကျသော ကျွန်းစုမြို့လေးသည် မြန်မာပြည်အောက်ဖျား မြိတ်မြို့နယ်အတွင်းပါဝင်သော ကျွန်းမြို့လေးတစ်မြို့ဖြစ်ပါသည်။ မြို့လေးသို့ ရောက်ရှိပြီး သိပ်မကြာသော အချိန်တွင် ကျွန်းစုမြို့နယ်၊ ထိန်ချောင်းကျေးရွာရှိ အောင်တော်မူသာသနာ့ရိပ်သာတွင် တရားစခန်းများ ပြုလုပ်သည်ကို သိရှိရသဖြင့် ထိုဆရာတော်ကျောင်းသို့ ကျွန်တော်ရောက်ရှိလာခဲ့ပါသည်။ ကျွန်တော်တို့ စစ်သားများအတွက် တာဝန်ချိန်များဖြင့် ပြည့်နေသောကြောင့် သီးသန့်တရားစခန်းတွင် တရားထိုင်ခြင်းအမှုကို မပြုနိုင်ပါ။ တရားမှတ်ခြင်းဆိုသည်မှာ မှတ်တတ်လျှင် အချိန်တိုင်းတရားမှတ်နိုင်ပါတယ်။ ဒါပေမယ့် ကျွန်တော့်အတွက်တော့ မနက်မိုးလင်းနှင့် အိပ်ရာဝင်ချိန်များလောက်သာ တရားထိုင်မှတ်ခြင်းအမှုကို ပြုနိုင်ပါသည်။

ဆရာတော်ကျောင်းသို့ရောက်ရှိလာပြီး ဆရာတော်အား တရားစခန်းနှင့်ပတ်သတ်သော အချက်အလက်များကို မေးမြန်းလျှောက်ထားပြီး ဆရာတော်ဘုရားနှင့် တရားစခန်းဝင်ရောက်သူယောဂီများ၏ ကျန်းမာရေးကို ကုသိုလ်ဒါနပြုချင်ပါကြောင်း လျှောက်ထားခဲ့ပါသည်။ ဆရာတော်က ခွင့်ပြုသောကြောင့် (၂၇.၇.၂၀၀၈) မှ စတင်၍ ဆရာတော်နှင့် တရားစခန်းဝင်ယောဂီများ၏ ကျန်းမာရေးကို ပြုစုစောင့်ရှောက်ခွင့်ရရှိခဲ့ပါသည်။

ကျန်းမာရေးစောင့်ရှောက်မှုစစခြင်းတွင် မိမိတွင်ပါလာသော လစာငွေလေးဖြင့် လိုအပ်သောဆေးဝါးအချို့ကို ၀ယ်ယူခဲ့ပါသည်။ ထို့ပြင် စေတနာရှင်အချို့မှလည်း ၀ိုင်းဝန်းလှူဒါန်းသောကြောင့် ငွေကျပ်တစ်သိန်းဖြင့် ဆေးဝါးများ ၀ယ်ယူကာ ဆရာတော်ကို ဆက်ကပ်ခဲ့ပါသည်။ ဆရာတော်မှလည်း ကုသိုလ်ဖြစ် ဆေးခန်းလေးတစ်ခုဖွင့်လှစ်လိုကြောင်း မိန့်ကြားသဖြင့် ရပ်မိရပ်ဖများနှင့်တိုင်ပင်ကာ သြဂုတ်လ စတုတ္ထပတ်လောက်တွင် ဆရာတော်၏ ကျောင်းအောက်မြေနေရာတွင် ဆရာတော်ဘုရားကိုယ်တိုင် ပန္နက်ရိုက်ပေးကာ ဆောက်လုပ်ခွင့်ပြုခဲ့ပါသည်။ ရွာသူရွာသားများကလည်း ဆေးခန်းဆောက်လုပ်ရာတွင် တတက်တစ်အားပင် လုပ်အားဒါနများ နေ့ညမပြတ်ပါဝင်ခဲ့သောကြောင့် တစ်ပတ်အတွင်းတွင်ပင် ကျွန်းစုမြို့နယ်၊ ထိန်ချောင်းကျေးရွာရှိ အောင်တော်မူသာသနာရိပ်သာတွင် ဝေနေယျသုခဟု အမည်တွင်သော ကုသိုလ်ဖြစ်ဆေးခန်းလေးကို ဖွင့်လှစ်နိုင်ခဲ့ပါသည်။

ထို့နောက် ဆေးခန်းရေရှည်တည်တံ့ရေးအတွက် ရပ်မိရပ်ဖများဖြင့် ကော်မတီအဖွဲ့လေးတစ်ခုကို သေချာစွာ ဖွဲ့စည်းပေးခဲ့ပါတယ်။ အလှူငွေကောက်ခံခြင်းများကိုလည်း ကျွန်တော်အားလပ်ချိန်များတွင် ကောက်ခံပြီး ဆရာတော်ထံကပ်လှူရန် အပြေးတပိုင်းဖြင့် ဆရာတော့်ကျောင်းသို့ ချောင်းပေါက်မတတ် ပြေးခဲ့ရသောနေ့လေးများ ဖြစ်ခဲ့သည်။ ဆေးMAကြီး xxxx နှင့် ကျောင်းဂေါပက ဦးပိုအင်တို့ကလည်း စေတနာအပြည့်အ၀ဖြင့် ကူညီပေးခဲ့ကြသည်။ ရွာသူရွာသားများကလည်း မိမိတို့တတ်နိုင်သလောက် ငွေများဖြင့် ဆေးပဒေသပင်အတွက် လှူဒါန်းကြပါသည်။ ကျွန်တော်တို့ဝေနေယျသုခဆေးခန်းလေးကို ညနေ(၅)မှ ည(၇)နာရီထိ ကုသချိန်သတ်မှတ်ထားသည်။ ကျွန်တော်လည်း တပ်မှ တာဝန်များပြီးဆုံးချိန် ပြီးသည်နှင့် ဆေးခန်းလေးရှိရာသို့ အမြဲမပြတ်ပိတ်ရက်မထားပဲ ကျွန်တော်သင်ယူတတ်မြောက်ထားသော ပညာဖြင့် ကုသဒါနပြုခွင့်ရခဲ့ပါသည်။

ထို့ပြင် ဝေနေယျသုခဆေးခန်းရေရှည်ရပ်တည်နိုင်ရေးအတွက် ကျွန်တော်သိကျွမ်းခင်မင်ခွင့်ရခဲ့သော တောင်ကြီးမြို့မှ အဘဦးညွန့်မောင်ကို ဆေးခန်းလေးအကြောင်းကို လှမ်းပြောပြခဲ့ပါတယ်။ အဘ၏ ကူညီမှုဖြင့် ဆေးပဒေသပင်အတွက် အလှူငွေကျပ် သုံးသိန်းကို လက်ခံရရှိခဲ့ပါတယ်။ ကျွန်တော့်မှာ ပီတိဖြစ်မိတာ အမှန်ပါဗျာ.. ကျွန်တော်မှာ ထိုမျှလောက်ပိုက်ဆံအင်အားမရှိပါ။ ကျွန်တော်တတ်ထားသောပညာဖြင့်သာ ဆေးကုသမှုကုသိုလ်ကို ပေးရုံမျှဖြင့် မလုံလောက်ပါ။ ယခုကဲ့သို့ စေတနာရှင်များ၏ လှူဒါန်းမှုများကြောင့် လိုအပ်သော ဆေးဝါးများကို ၀ယ်ယူနိုင်ခြင်းကြောင့်သာ ဖြစ်သည်။
ကျွန်တော့်တာဝန်ချိန်ပြီးဆုံး၍ အခြားမြို့သို့ ပြောင်းရွေ့ခွင့် ကျသောအခါ ရွာသူရွာသားများ၏ နှုတ်ဆက်ပွဲနှင့် ကျွန်တော့်နေရာလေးတွင် ဆက်လက်တာဝန်ယူပေးမယ့် သမားဇာနည်တစ်ဦးနှင့် မိတ်ဆက်ပွဲကို ပြုလုပ်ချိန်တွင် ကျွန်တော် မျက်ရည်လည်မိပါသည်။ ကျွန်တော်စတင်ခဲ့လိုက်သော ဝေနေယျသုခဆေးခန်းလေးတွင် ကျွန်တော်အဝေးတနေရာသို့ တာဝန်ပြောင်းရွှေ့ခဲ့သော်လည်း ကျွန်းစုမြို့တွင် တာဝန်ကျသော သမားဇာနည်အောင်စစ်သည် ကျွန်တော့်နောင်တော်.. ညီတော်များ၏ ဆက်လက်ကူညီ ကုသိုလ်ဒါနပြုပေးနေသော သတင်းလေးကို ကျွန်တော်ကြားရတိုင်း ပီတိဖြစ်မိပါသည်။

တချိန်က ဘ၀ကိုရုန်းကန်ရင်း တက္ကသိုလ်ဝင်တန်းကိုပင် ဈေးရောင်းရင်းကျောင်းတတ်ခဲ့ရသော အညတရလေးကျွန်တော်.. မိဘကျေးဇူးကြောင့် ကျွန်တော် သမားဇာနည်တစ်ယောက်ဘ၀ကို ရောက်ရှိလာခဲ့ပါတယ်။ မိဘတို့ကို ချမ်းချမ်းသာသာ ကျွန်တော် မထားနိုင်သေးပါဘူး။ ဒါပေမယ့် အမေရယ်.. အမေ့သားကို ဆုတောင်းပေးနေတဲ့ ဆုတောင်းသံတွေကြောင့် အမေ့သား သံလွင်မြစ်ကမ်းတစ်ဖက်က ၀မ်ထန်ဆိုသော ကျေးရွာလေးမှာ ဘေးမသီရံမခပဲ တာဝန်များကို ဆက်လက်ထမ်းဆောင်ရင်း ကျွန်တော်ရောက်သော နေရာဒေသလေးများတွင် ကျွန်တော်တတ်သော ဆေးပညာများဖြင့် အမေ့လိုမျိုး သားချစ်တဲ့ မေမေများကို ပြုစုစောင့်ရှောက်သွားမှာပါ…

မိမိအကျိုး ၊သူတစ်ပါး၏အကျိုး ၊ သာသနာ၏အကျိုးကို ဆထက်တပိုးသယ်ပိုးထမ်းရွက်နိုင်ကြပါစေ။
Dr. K.S.A

(ယခုကဲ့သို့ အစ်ကို့ပြုလုပ်ဆောင်ရွက်ခဲ့သော ဆေးခန်းလေးအကြောင်းကို ဖော်ပြခွင့်ပေးခဲ့သည့်အတွက် အထူးပင်ကျေးဇူးတင်ပါသည်)်

စာအပြည့်အစုံသို့….

ပြန်ခေါက်ထားနိုင်ပါသည်…

+ ပရဟိတအလှူလေးအတွက် တိုက်တွန်းနှိုးဆော်ချက်

 

ရန်ကုန်တိုင်း၊ လှည်းကူးမြို့နယ် မရမ်းချောင်း ကျေးရွာ တွင် လူမှုဝန်ထမ်း ကယ်ဆယ်ရေးနှင့် ပြန်လည်နေရာ ချထားရေး မှ ကြီးမှူး ဖွင့်လှစ်ထားသော ပရဟိတ ကျွေးမွေးစောင့် ရှောက်ရေးဂေဟာတခု ဖြစ်သည်။

အဆိုပါ ဂေဟာ၏ ရည်ရွယ်ချက်မှာ -


၁။ အနာကြီးရောဂါကြောင့် ကိုယ်အင်္ဂါပျက်စီးပြီး လုပ်ကိုင်မစားသောက်နိုင်သူများအား ကျွေးမွေးစောင့်ရှောက်ရန်နှင့် နေထိုင်မှုစီစဉ်ဆောင်ရွက်ပေးရန်။

၂။ မသန်စွမ်းသူ လူနာများ၏ ကျန်းမာရေးနှင့် ကိုယ်လက်အင်္ဂါ ထပ်မံမပျက်စီးရေးအတွက် ကာကွယ်စောင့်ရှောက်ပေးရန်။

၃။ မသန်စွမ်းသူ အနာကြီးဝေဒနာရှင်များ အတွက် စိတ်ပိုင်းဆိုင်ရာ ဖွံဖြိုးတိုးတက်လာစေရန် နှင့် မိမိကိုယ်ကိုယ် ထိန်းသိမ်းစောင့်ရှောက်နိုင်စေရန် အတွက် ပြန်လည်ထူထောင်ရေး လုပ်ငန်းများကို ဆောင်ရွက်ပေးရန်။

၎။ အနာကြီးရောဂါသည် ကလေးများကို ကျွေးမွေးစောင့်ရှောက်ပြီး ဆေးဝါးကုသပေးနိုင်ရန် စီစဉ်ဆောင်ရွက်ပေးခြင်း။


၅။ အနာကြီးရောဂါ ဖြစ်ဖူးပြီး မိမိကိုယ်တိုင် လုပ်ကိုင်စားသောက်နိုင်ခြင်းမရှိသူ လူနာများ၏ အရွယ်မရောက်သေးသည့် ကလေးများကို ယာယီ ထိန်းသိမ်းကျွေးမွေးစောင့်ရှောက်ပေးခြင်း။

၆။ လူမျိုးဘာသာ ခွဲခြားခြင်းမရှိပဲ အနာကြီးရောဂါကြောင့် ခိုကိုးရာမဲ့ ဖြစ်သူများနှင့် ကျောထောက်နောက်ခံမရှိသူ လူနာများအား တန်းတူ ညီမျှ စောင့်ရှောက်ပေးခြင်း တို့ဖြစ်သည်။
အဆိုပါရည်မှန်းချက်များကို အကောင်အထည်ဖော်ဆောင်ရာတွင် တွေ့ကြုံရသော အခက်အခဲများကို ဦးစွာတင်ပြပါမည်။

၁။ ဆေးဝါးအခက်အခဲ

အနာကြီးရောဂါ ဝေဒနာရှင် အများစုမှာ အသက် ၆၀ ကျော်ဖြစ်ခြင်းကြောင့် အနာကြီးရောဂါ အပြင် အခြားသော သွေးတိုး ၊ ဆီးချို ၊ စိတ်ကျရောဂါများ ခံစား နေရခြင်းကြောင့် အဆိုပါရောဂါများအား ကုသရန်အတွက် ဆေးဝါးများ ၊ အနာဆေးထည့်ရာတွင် လိုအပ်သော (Dressing) ပစ္စည်းများ လိုအပ်ချက်ရှိနေပါသည်။

၂။ လျှပ်စစ်မီးအခက်အခဲ

မရမ်းချောင်းကျေးရွာသည် ရန်ကုန်တိုင်းအတွင်း လျှပ်စစ်မီးမရရှိသေးသဖြင့် ညဦးပိုင်းအချိန်များတွင် လူနာများ အိပ်ယာခင်းကျင်းပြင်ဆင်ရန်နှင့် အပန်းပြေ ရုပ်မြင်သံကြားကြည့်ရှုရန်အတွက် ၂ နာရီခန့် လျှပ်စစ်မီးရရှိစေရေးအတွက် ဂျပန်နိုင်င (Okinawa Foundation)ံမှ လှူဒါန်းထားသော မြင်းကောင်ရေ ၁၆ ကောင်အားရှိသော မီးစက်ဖြင့် မီးပေးရာတွင် ဒီဇယ်ဆီ ၂ ပုလင်းမှ ၃ ပုလင်းကုန်ကျလျက်ရှိပါသည်။ ဆီအသုံးပြုခွင့်ရရှိနိုင်ရေးအတွက် လျှောက်ထားဆဲဖြစ်ပါသဖြင့် အဆိုပါ နေ့စဉ် ကုန်ကျသည့် ဒီဇယ်ဆီ ရရှိနိုင်ရေးအတွက် အလှူရှင်များလိုအပ်လျက်ရှိပါသည်။

အဆိုပါ ဂေဟာတွင်၏ စောင့်ရှောက်မှုကို ခံယူနေသော ဝေဒနာရှင် ၇၈ ဦးရှိပါသည်။ ဂေဟာ၏ လက်ခံနိုင်စွမ်းမှာ ကျား ၄၀ ဦး နှင့် မ ၄၀ ဦးဖြစ်ပါသည်။ အဆိုပါ ဝေဒနာရှင်များသည် စက်ချုပ်ခြင်း ဒေသပေါ် လက်မှုလုပ်ငန်းများ လုပ်ကိုင်ခြင်းတို့ဖြင့် မိမိတို့၏ တကိုယ်ရေ အသုံးစရိတ်များကို ဖြေရှင်းလျက်ရှိပါသည်။

အခြားသော အခက်အခဲများစွာ ကျန်ရှိနေသေးသော်လည်း ဆေးပညာလောက ပရဟိတ အလှူငွေအတွက် လတ်တလော ထည့်ဝင်သူနည်းပါးခြင်း ကြောင့် အထက်ပါ အချက် ၂ ချက်ကိုသာ ဖြည့်ဆည်းပေးနိုင်မည်ဟု ယူဆပါသည်။ အဆိုပါ ဂေဟာအား ပြည်တွင်းပြည်ပ အလှူရှင်များ တိုးပွားလာအောင် ဆောင်ရွက်ပေးခဲ့သူမှာ စာပေလောကတွင် ထင်ရှားသော စာရေးဆရာ ချစ်စံဝင်း နှင့် ဆရာမ လမင်းအိမ်တို့ ဖြစ်ပါသည်။ ၎င်းတို့၏ ကလောင်စွမ်းဖြင့် မြန်မာနိုင်ငံ အနာကြီးရောဂါရှင်များ၏ ဘ၀သရုပ်မှန်ကို စာဖတ်ပရိတ်သတ်များ တရားဟော ဆရာတော်များ၏ ရင်ထဲတွင် စွဲထင်စေခြင်းဖြင့် ဤပရဟိတ ဂေဟာအား အကျိုးပြုထားသည်ကို ဓါတ်ပုံမှတ်တမ်းများ နှင့် ဂေဟာဝန်ထမ်း ၂ ဦး၏ ပြောပြချက်အရသိရှိရပါသည်။ အခြားသော အလှူရှင်များမှလည်း တတ်အားသရွေ့ အလှူငွေများ ထည့်ဝင်လျက်ရှိသော်လည်း ယခုအချိန် တွင် လိုအပ်နေသော အစိတ်အပိုင်များအား ဆေးပညာလောက အဖွဲ့ဝင်များအား တင်ပြခြင်းဖြစ်ပါသည်။

ဆေးပညာလောက ၏ အဖွဲ့ဝင်များအများစုမှာ လူငယ်များဖြစ်ကြပါသည်။ လူငယ်များ ဖြစ်ကြသည့်နည်းတူ ပညာရှာမီးသည့် အရွယ်ဖြစ်သောကြောင့် အလှူငွေထည့်ဝင်ရာတွင် အခက်အခဲရှိကောင်းရှိနိုင်ပါသည်။ သို့သော်လည်း မိမိတို့ထက် နိမ့်ပါးသော လူများအား ကြည့်ရှုစောင့်ရှောက်ခြင်းသည် မြန်မာနိုင်ငံသားများအတွက် အင်မတန် အဖိုးမဖြတ်နိုင်သော အရာဖြစ်ခြင်းကြောင့် မိမိတို့တတ်အားသရွေ့ နည်းသည်များသည်မဆို လူအား ငွေအားဖြင့် ထည့်ဝင်လှူဒါန်းနိုင်ပါသည်။
လတ်တလော ထည့်ဝင်ငွေများဖြင့် အဆိုပါ ပရဟိတဂေဟာတွင် သက်ကြီးရွယ်အိုများအား တတ်အားသရွေ့ ကျန်းမာရေးစောင့်ရှောက်မှုပေးခြင်း နှင့် စက်သုံးဆီကိစ္စ ကို တတ်အားသရွေ့ဖြေရှင်းပေးခြင်းတို့ဖြင့် စတင်လှုပ်ရှားသွားမည်ဖြစ်ပါသည်။ သို့ပါ၍ မိမိတို့ တတ်အားသရွေ့ လူအင်အား ငွေအင်အား လှူဒါန်းလိုပါက အောက်ပါမေးလ်များသို့ ဆက်သွယ်နိုင်ပါသည်။


အက်ဒမင်အဖွဲ့ (admin.army.dr@gmail.com)
တောကျီးဂန်း (tawkyeegan@gmail.com)
ဘလိတ်ဓါး (black.rose.on.my.bed@gmail.com)
ဒေါက်တာကျော်သူဟိန်း (flowerlover.hein670@gmail.com)

တပ်မတော်ဆေးတက္ကသိုလ်မှ အလှူရှင်ညီငယ်များ ကာကွယ်ရေးနှင့် လူမှုရေးဆေးပညာဌာန မှ ဒေါက်တာကျော်သူဟိန်း၊ ဒေါက်တာအောင်ကျော်ခန့်တို့ထံတွင် အလှူငွေများ ပေးသွင်းနိုင်ပါသည်။

ခင်မင်လေးစားစွာဖြင့်
တောကျီးကန်း

စာအပြည့်အစုံသို့….

ပြန်ခေါက်ထားနိုင်ပါသည်…

+ တောင်ခြေမှာ နေကွယ်တော့မည်လား

တာဝန်လေးတစ်ခုဖြင့် မွန်ပြည်နယ်၊ သထုံမြို့သို့ရောက်ရှိလာခဲ့ပါသည်။ ကိစ္စတာဝန်များပြီးသို့ အရှေ့အရပ်ကတောင်ကြီးကို ကြည့်ပြီး သွားချင်စိတ်တွေ ပေါ်လာခဲ့မိသည်။ ထိုတောင်ကတော့ သထုံမြို့၏ ကျက်သရေဆောင်တစ်ခုဖြစ်သော မြသပိတ်တောင်တော်ဖြစ်ပါသည်။ တောင်ခြေရောက်သည်အထိ မြသပိတ်ဘုရားလမ်းလေးအတိုင်း ရောက်လာခဲ့ပါသည်။ လမ်းလေးအဆုံးမှာတော့ တောင်ပေါ်သို့တက်နိုင်သော လှေကားဆောင်းတန်းလေးတစ်ခုကို တွေ့မြင်ရသည်။ လက်ကနာရီကို ကြည့်လိုက်တော့ နေ၀င်တော့မည်။ ဒီဆောင်းတန်းကိုကြည့်လိုက်တော့ အခြေအနေမကောင်း မျက်စိတစ်ဆုံးထိတောင် ဆောင်းတန်းက မဆုံးသေး။ တောင်တော်က တော်တော်မြင့်သည်။ ဘေးဘီဝဲယာကြည့်လိုက်တော့ သစ်သားဆိုင်းဘုတ်လေးဖြင့် တောင်တက်ကားလမ်းတဲ့။ ၀မ်းသာအားရပင် အနီးရှိဖြတ်လာသော လူတစ်ယောက်ကို မေးကြည့်တော့ ဟုတ်ပါသည်..တောင်တော်ပေါ်သို့ ကားလမ်းပေါက်ပါသည်။ ၀မ်းသာအားရပင် ဆိုင်ကယ်ကို တောင်တက်ကားလမ်းဘက်သို့ ဦးလှည့်လိုက်ကာ မောင်းထွက်လာခဲ့သည်။ မောင်းလာတုန်းကတော့ အ၀င်မုခ်ဦးလေးတစ်ခုအောက်မှ ၀င်ခဲ့သော်လည်း ဘာမုခ်ဦးဆိုတာ သေချာမဖတ်လိုက်မိ။ အနည်းငယ်မောင်းမိတော့မှ သထုံမြို့နယ် ဘိုးဘွားရိပ်သာဆိုသည် မုခ်ဦးနှင့် အ၀န်းအ၀ိုင်းလေးကို ဘိုးဘွားများ ရုပ်ထုများဖြင့် တွေ့မြင်လိုက်မှသာ ဘိုးဘွားရိပ်သာနားကိုရောက်မှန်း သတိထားမိလိုက်သည်။ သို့သော်လည်း အမှုမဲ့အမှတ်မဲ့သာ ကြည့်လိုက်ပြီး မိမိလိုရာခရီး မြသပိတ်တောင်တော်ပေါ်သို့ တက်ခဲ့လေသည်။

မြသပိတ်တောင်ပေါ်ရောက်တော့ ပတ်ဝန်းကျင်ရှုခင်းသည် တော်တော်ကို ကြည့်ကောင်းလှသည်။ ကရင်ပြည်နယ်အ၀င်လမ်းလေးများနှင့် တောတောင်များ၊ မော်လမြိုင်သို့သွားသောလမ်းမကြီး၊ ရန်ကုန်သို့သွားသော လမ်းမကြီးများ၊ အင်္ဂလိပ်ခေတ်ကဖောက်လုပ်ခဲ့သော လေယာဉ်ကွင်းဟောင်း နှင့် သထုံမြို့တို့သည် တောင်တော်ခြေရင်းတွင် အေးဆေးတိတ်ဆိတ်စွာတည်ရှိနေသည့် မြင်ကွင်းတို့သည် အလွန်မှ ရှုမငြီးလှပေ။ ရှုခင်းများကို ကြည့်ပြီး မိမိတက်လာသော တောင်ခြေကားလမ်းလေးရှိရာ မြသပိတ်တောင်ခြေကားလမ်း အစနေရာလေးကို လှန်းကြည့်မိသည်။ တစ်ထပ်တိုက် အဆောက်အအုံလေးများနှင့် တန်းလျားများသဖွယ် ဆောက်လုပ်ထားသော သထုံသုဝဏ္ဏဘူမိဘိုးဘွားရိပ်သာနေရာကို မြင်တွေ့နေရသည်။ တောင်တော်ပေါ်မှ ပြန်ဆင်းတော့ ဘိုးဘွားရိပ်သာကို နောက်တစ်ခေါက်ထပ်လာရန် ဆုံးဖြတ်ချက်ချလိုက်သည်။ ကံအားလျော်စွာ နောက်တစ်နေ့တွင် အလုပ်ကိစ္စက စောစီးစွာပြီးစီးသောကြောင့် ဘိုးဘွားရိပ်သာဖက်ခြေဦးလှည့်ခဲ့သည်။ ဘွားဒေါ်ဦးဇွန်းတည်ထားခဲ့သော သထုံဘိုးဘွားရိပ်သာတွင် အဖိုး၊ အဖွားမြောက်မြားစွာ မရှိပါ။ ကျွန်တော်ရောက်ရှိချိန်တွင် စုစုပေါင်း ၁၅ဦးသာရှိပြီး ဂေဟာမှုးအပါအ၀င် ၀န်ထမ်း သုံးဦးသာဖြစ်သည်။ ဂေဟာမှူးပြောပြချက်အရတော့

"ဂေဟာမှာ လာနေဖို့ လာတဲ့သူတွေရှိတယ်။ ဒါပေမယ့် ဂေဟာက သိပ်မပြည့်စုံတော့ အစစအရာရာ ကိုယ်ထူကိုယ်ထု ပုံစံမျိုးလုပ်ရမှုကြောင့် ကြာကြာမနေနိုင်ဘဲ ထွက်သွားကြတာတွေရှိပါသည်။ မိမိတို့ဂေဟာမှာကလည်း ၀န်ထမ်းကို အများကြီးမခန့်နိုင်ဘူး။ ဒီတော့ မလုပ်ပေးနိုင်မှာစိုးလို့ ဘိုးဘွားအများကြီးလည်း မလက်ခံနိုင်ဘူးဖြစ်နေတယ်။ ၀န်ထမ်းတွေကိုလည်း လစာအများကြီး မပေးနိုင်တော့ လာလုပ်တဲ့သူမရှိဘူး။ အခုလာလုပ်နေတဲ့ ကောင်လေးဆို စကားမပြောတတ်တဲ့ ကောင်လေး။ လစာက တစ်သောင်းခွဲထဲဆိုတော့ တော်ရုံလူ လာမလုပ်ဘူး။ နောက်ပြီး ၀န်ထမ်းနဲတော့ ရာထူးနေရာအတိအကျ မဟုတ်ပဲ All Round လုပ်ပေးရတာဆိုတော့ လုပ်မဲ့သူ မရှိဘူးပေါ့။ အဖိုးအဖွားတွေ ကိုယ်တိုင်က တစ်နိုင်တပိုင် လှည်းကျင်းတာလေးတွေလုပ်ပေးတယ်။ မနက်အာရုံတက် ကြေးစည်ထုပေးတယ်။ ကိုယ့်အ၀တ် ကိုယ်လျှော်နိုင်တဲ့သူတွေ ကတော့ ကိုယ့်ဖာသာကိုယ်လျှော်ကြတယ်။ အလှူရှင်နဲတော့ ကိုယ်ထူကိုယ်ထစနစ်နဲ့ပဲ ရိပ်သာလေးကို ထိန်းသွားနေရတာပေါ့။ ရန်ကုန်မှာကတော့ အလှူရှင်ပေါတော့ ဘိုးဘွားတွေ နေထိုင်ရတာ အဆင်ပြေတာပေါ့။ ဒီမှာကတော့ လာနေတဲ့ ဘိုးဘွားတွေ ရှိပေမယ့် ငွေကြေးအခြေအနေအရ ၀န်ထမ်းအခြေအနေအရ ဘိုးဘွားတွေကို အများကြီး လက်မခံနိုင်ဘူး။ နာဂစ်ဖြစ်ပြီးကတည်းက အဆောက်အအုံအချို့လည်း ပျက်စီးတယ်။ မြို့ခံတွေကတော့ လှူကြပေမယ့် အလျှင်မပြတ် Run သွားနိုင်ရုံလောက်ပဲရတယ်။ ပြင်ဆင်မှုတွေကတော့ မလုပ်နိုင်ဘူး။ အိမ်သာကအစ ဒီမှာက အဆင်မပြေဘူး။ ဘိုထိုင်အိမ်သာတွေမဟုတ်တော့ အဘိုးအဘွားတွေ အခက်အခဲတော့ နဲနဲရှိတယ်။"

ကျွန်တော်ရောက်ရှိလာချိန်တွင် အဖိုးအချို့က စကားလေးတပြောပြောဖြင့် ဂေဟာအတွင်း တံမြတ်လှည်းခြင်းများကို ပြုလုပ်နေကြသည်။ အဘွားတချို့ကတော့ သနပ်ခါးအဖွေးသားဖြင့် အ၀တ်ရုတ်နေကြသည်။ ကျွန်တော်စိတ်မကောင်းတော်တော်ဖြစ်မိပါသည်။ မိမိတွင်လည်း ထိုဂေဟာမှူးပြောသော ပြင်ဆင်စရိတ်လောက်အထိ လှူနိုင်ခြင်းငှာအတွက်လည်း ငွေကြေးအင်အား မတောင့်တင်းပါ။ နောက်ဆုံးပဒေသပင်သဘောဖြင့် ပါလာသောငွေအချို့ကိုပဲ လှူဒါန်းခဲ့နိုင်ပါသည်။ ကျွန်တော်ကို အဘိုးအဘွားတို့ ဆုတောင်းပေးသော ဆုများသည် ကျွန်တော်လှူလိုက်သော ငွေကြေးပမာဏထက်ပင်ကြီးမားလှပါသည်။ ကျွန်တော်မခံယူဝံ့ပါ။ ဒီအကြောင်းအရာကို သူငယ်ချင်းအချို့ကိုလည်း ပြောပြဖြစ်ပါသည်။ သို့သော်လည်း နေရာဒေသဝေးလံမှု သဒ္ဓါတရားဟူသောစိတ်သည်လည်း မျက်မြင်တွေ့ရလျှင် ပို၍ဖြစ်ပေါ်စေနိုင်သောကြောင့် သွားရန်တိုက်တွန်းရသော်လည်း ခရီးဝေးတော့ သိပ်မအောင်မြင်ချေ။

ခုတစ်လော လူငယ်အဖွဲ့အစည်းများ၏ လှူဒါန်းမှုများကိုလည်း အင်တာနက်စာမျက်နှာများထက်တွင် တွေ့ရသောကြောင့် အလွန်ပင်ဝမ်းမြောက်မိပါသည်။ သို့သော်လည်း ရန်ကုန်မြို့နှင့် လေးနာရီကြာမောင်းရသော သထုံမြို့လို့နေရာလေးတစ်ခုသို့ အရောက်သွား၍ လှူဒါန်းခြင်းငှာလည်း အလှမ်းဝေးသကဲ့သို့ဖြစ်နေပါသည်။ ဘွားဒေါ်ဦးဇွန်းတည်ထားခဲ့သော ဘိုးဘွားရိပ်သာများကို ကျွန်တော်လေ့လာမိသလောက် သထုံဘိုးဘွားရိပ်သာသည် လှူဒါန်းသူ အလှူရှင် အလွန်ပင်နည်းပါးကား ချို့တဲ့လှသည်။ ထို့ကြောင့် ဒီဆောင်းပါးလေးဖြင့် တောင်ခြေမှာ နေကွယ်တော့မည့် အဘိုးအဘွားများကို လှူဒါန်းလိုသော အလှူရှင်များအနေဖြင့် သထုံမြို့နယ်၊ မြသပိတ်တောင်ခြေရှိ သုဝဏ္ဏဘူမိဘိုးဘွားရိပ်သာလေးကိုလည်း တစ်ချက်လေးတစ်စေ့တစ်စောင်းကြည့်ပေးစေလိုပါကြောင်း တိုက်တွန်းလိုက်ရပါသည်။

မြသပိတ်တောင်ပုံကိုတော့ ကိုယ်တိုင်မရိုက်ကူးနိုင်ခဲ့၍ ဒီဆိုဒ်မှ ကူးယူးဖော်ပြပါသည်။

စာအပြည့်အစုံသို့….

ပြန်ခေါက်ထားနိုင်ပါသည်…

+ မမေ့သင့်သော စကားဝှက်များ

ထိုနေ့လေးကဖြင့် အမှတ်တရ ပြောစမှတ်နေ့လေးဖြစ်ခဲ့သည်.. ထိုနေ့ကား ကျွန်တော်တို့တပ်မွေးနေ့လေးပါ။ နေ့ခင်းဖက်တွင် တပ်တွင်း၌ အခမ်းအနားလေးများ ကျင်းပပါသည်။ ညနေဖက်တွင် တနေကုန်ပင်ပန်းထားသည်များကို အနားယူရန် တစ်ယောက်မျက်နှာ တစ်ယောက်ကြည့်ကာ မျက်စပစ်မိကြသည်။ မျက်စတောင် မပစ်လိုက်ရပါ။ လှမ်းကြည့်ယုံဖြင့်ပင် ဆိုင်ကယ်သော့ဆွဲပြီးနေသူက အဆင်သင့်။ ရုံးတာဝန်ကျသောသူမှလွဲလျှင် ကျန်သူများလည်း ယူနီဖောင်းကိုယ်စီလဲကာ တစ်ပျော်တစ်ပါးပင် ကရ၀ိတ်ရှိရာသို့ လာခဲ့ကြသည်။ ကိုရီးယားယဉ်ကျေးမှု ထွန်းကားလာသောကြောင့် မိန်းကလေးများက ကိုရီးယားမလေးများလို ၀တ်ဆင်ပြောဆိုကြချိန်တွင် ယောကျာ်းသားများကလည်း အလုပ်ပြန်က ကာရာအိုကေလေးဝင်ဆိုသည့် ဓလေ့ကိုလည်း အားကျမိလေရာ.. ယနေ့တွင်တော့ အားချိန်လေးလည်းရ သူငယ်ချင်းများလည်း စုမိသောကြောင့် ကရ၀ိတ်နှင့် ကာရာအိုကေသီးသန့်ခန်းလေးရှိရာ ဤမြို့၏ တစ်ဆိုင်တည်းသော ဆိုင်သို့ ရောက်ရှိသွားခဲ့ကြသည်။

"မင်းတို့ အိမ်မပိုင်တဲ့ကောင်တွေ လှည့်ပြန်ရင်ပြန်ထား။ ပြီးမှ စောစောပြန်မယ်ဘာညာ။ ချယ်ရီဦးနာရီကြော်ငြာလာမရိုက်နဲ့။ ပြန်ချင်ရင် မ၀င်ခင်ကတည်းက လှည့်ပြန်"

ကိုယ်တွေက အပူအပင်ကင်းရာလေးများဖြစ်သောကြောင့် ဤကဲ့သို့ အသံကောင်းဟစ်နိုင်ခြင်းဖြစ်သည်။ ကျန်နောက်တွဲရှိသူငယ်ချင်းများကလည်း သိက္ခာတော့အကျမခံ။ မာန်ကိုချီကာ..

"မပိုင်ရင် ၀က်တောင်မမွေးဘူး။ မင်းလို ၀က်ပေးမွေးပြီး သေတာ မဟုတ်ဘူး။"

အင်း..ဒင်းတို့မလဲ တစ်ခါလာလည်း ဒီဝက်ကိစ္စ၊ ကျောင်းတော်တုန်းက ပြသနာသည် ပုခုံးထက် အပွင့်ရောက်သည်အထိ မပြီးနိုင် မစီးနိုင်။ အားလုံးက နောက်ကြောင်းအေးသည်ဆိုသဖြင့် ၂နာရီစာ ကာရာအိုကေခန်းကို ငှားလိုက်သည်။ နေလေးစောင်းစောင်း ကရ၀ိတ်လေးစီးပြီး သီချင်းလေးဟစ်ရသည်က အရှိန်တက်လာသည်။ အချိန်မည်ကဲ့သို့ ကုန်သည်မသိအောင်။ မိုက်ကလည်း ဘယ်အချိန်ကတည်းက ဟဲချင်နေကြသည်မသိ။ ကိုယ့်အလှည့်ရောက်ဖို့ မိုက်စောင့်ရတာကို တစ်လုပ်။ မိုက်ခဲလေးများပေတည်း။

"ဟိတ်ကောင်.. တစ်နာရီစာ ထပ်ယူကွာ။ စိတ်ရှိလက်ရှိ အော်ရတာ အားမရသေးဘူး။ မင်းက တံခါးပေါက်နီးတယ်။ ကောင်တာကို မင်းသွားပြောလိုက်ကွာ။"

တံခါးပေါက်နားထိုင်မိသည့် မိမိသည်ပင်လျှင် ခြေမြန်တော်တပ်သားလိုလို။ ရှိစေတော့လေ။ မိမိမိုက်ခဲရန်အလှည့်ကလည်း လိုသေးသည် နာရီကလည်း ပြည့်တော့မည်။ နောက်ထပ်တစ်နာရီ ထပ်တိုးရန် ကောင်တာသို့ထွက်လာခဲ့သည်။ ကောင်တာတွင် တစ်နာရီထပ်တိုးရန် မှာချိန်တွင် ဆိုင်ခြံဝန်းအတွင်း ဆိုင်ကယ်တစ်စီးဝင်ချလာသည်။ သေပြီ... သူငယ်ချင်းများ၏ မိန်းမများဖြစ်သည်။ ကိုယ်ဝန်ကြီး ကားတားကားတားဖြင့် ဆိုင်တွင်းသို့ဝင်လာလေသည်။ ပျက်ပြင်းကတော့ တိုးပြီ။ မိမိကိုကလည်းတွေ့နေပြီ ဖြစ်သော်ကြောင့် ပြေးပုန်း၍လည်း မရလေတော့။

"ကို xxxxx ပါတယ် မဟုတ်လား။ သူဘယ်မှာတုန်း။"
"မပါပါဘူး.. မီးငယ်"
"ကဲပါ.. ဘယ်နားမှာသာပြောပါ။"
"ထိပ်ဆုံးက အခန်းမှာ မီးငယ်"
"လာ.. မူယာ မနဲ့အထဲကိုပါ လိုက်ခဲ့ပေးနော်။"

ကိုယ်လေးလက်ဝန်ကြီး ကားတားကားတားနှင့် အနောက်မှလည်း မူယာကလည်း ပိန်ရှည်ပိန်ရှည်ဖြင့် ကပ်ရပ်လိုက်ပါသွားသည်။ ကျွန်တော်လည်း ရုတ်တရက် ဘာလုပ်ရမည်မသိ။ အထဲမှာက သကောင့်သားများက သောက်စားနေလေသည်။ မီးငယ်ရောက်ချိန်တွင် ကွိကနဲမိသွားနိုင်ပေသည်။ ဖြစ်ချင်တော့ ခါးကြားမှ စကားပြောစက်ကို စမ်းမိချိန်တွင် ခပ်သွက်သွက်ပင် သကောင့်သားများကို ခေါ်လိုက်မိသည်။ ကံလေးက ကောင်းချင်တော့ ကိုယ်တော်များက စက်ကိုဖွင့်ထားပေသည်။ ဆူညံသံများ မြောက်မြားစွာကြားမှ တဖက်မှထူးသံကို ကြားသည်နှင့် မိမိလည်း စကားဝှက်ဖြင့် အချက်ပေးရလေတော့သည်။

"ဖီးကြမ်းနှင့် သီးမွှေး လိုက်လာတယ်။"

တဖက်မှ နားလည်လား မနားလည်လား မသိ။ ကျွန်တော်လည်း စကားဝှက်များကို စဉ်းစားမရတော့။ မျက်စိထဲပေါ်လာရာကို ပြောလိုက်မိသည်။ ခဏအကြာတွင် မီးငယ်နှင့် မူယာပြန်ထွက်လာသည်။ မီးငယ်ကတော့ ဒေါသထွက်သော လေသံကြီးဖြင့်..

"ကို xxxx ကိုတွေ့ရင်ပြောလိုက်ပါ။ မီးငယ်လက်ပူးလက်ကျပ်မတွေ့လို့နေနှင့်ဦးလို့။"

မီးငယ်တို့ဆိုင်ကယ်လေး ထွက်သွားမှ ကျွန်တော်လည်း သက်ပြင်းချမိလေသည်။ အခန်းအတွင်းသို့ အပြေးတပိုင်းဝင်သွားမိချိန်တွင် သကောင့်သား xxxx ကမရှိလေတော့။ ကျွန်တော့်ထံမှ အချက်ပေးရောက်ကတည်းက တဖက်အခန်းသို့ပြေးပုန်းလေသည်တဲ့။ ကျွန်တော့်ကိုလည်း သကောင့်သားက ကျေးဇူးတင်သဖြင့် ကရ၀ိတ်တစ်ခွက်ပိုတိုက်လေသည်။ ထိုနေ့ကတော့ မှတ်မှတ်ရရပါ။ အဆောင်ပြန်ရောက်တော့ စကားဝှက်များကို ပြန်လေ့လာသင့်သည်ဟု ကိုယ့်ကိုယ်ကို သုံးသပ်ရင်း အမှတ်တရနေ့လေးအဖြစ်နှင့် ဒိုင်ယာရီစာအုပ်တွင် ရေးမှတ်ထားမိလိုက်သည်။

စာအပြည့်အစုံသို့….

ပြန်ခေါက်ထားနိုင်ပါသည်…

+ စာအုပ်လေးတစ်အုပ် နှင့်အတူ နှုတ်ဆက်ခြင်း

အပျော်များစွာဖြင့် တအိအိဖြင့် မောင်းနှင်နေသော တပ်မတော်သုံးစီးတော်ယာဉ်FAW ကားကြီးကို စီးကာ တပ်မတာဝန်ဖြင့် တပ်သားသစ်များကို အပ်ရန်လိုက်ပါလာခဲ့သော ခရီးစဉ်တစ်ခု.. မတွေ့တာကြာပြီဖြစ်သော ညီမငယ်နှင့် တွေ့ရတော့မည်ဟု အတွေးများဖြင့် ပျင်းရိဖွယ်ကောင်းလှသော ခရီးရှည်ကြီးသည်ပင်လျှင် ကျွန်ုပ်အတွက် ပျော်စရာဖြစ်နေခဲ့သည်။
တပ်သားစုဆောင်းရေးတပ်ရောက်ပြီး မိမိခေါ်ဆောင်လာသော တပ်သားသစ်များကို ဆေးစစ်ခြင်းနှင့် အခြားသော အမှုကိစ္စများကို ဆောင်ရွက်ရန် အလို့ငှာ ဗျာများနေသောကြောင့် ညီမငယ်ဖြစ်သူထံ ဖုန်းမဆက်သွယ်ဖြစ်ခဲ့။ ပေးစရာရှိသော လူကြုံများနှင့် လုပ်စရာရှိတာများကို ဆောင်ရွက်ပြီးလို့ သုံးရက်မြောက်တွင် ညီမငယ်ထံ ဖုန်းဆက်လိုက်မိသည်။

“မီးငယ်.. ငါ ရန်ကုန်ကိုရောက်နေတယ်။ သုံးရက်ရှိပြီ။ တပ်သားသစ်လာပို့တာ။ မနက်ဖြန်တော့ ပြန်မယ်။ မီးငယ်ကို လှမ်းပြောတာ။ “
“အင်း.. အဆင်ပြေရဲ့လား။”

တဖက်မှ လေးတိလေးကန်သော ဖြေသံလေးကို အားရစရာကြားရသည်။ မည်သို့ပင်ဖြစ်စေကာမူ မီးငယ်အတွက်လက်ဆောင်ပေးရန် ကျွန်တော်ဝယ်ထားသော စာအုပ်လေးကို ပေးခဲ့ချင်သည့်အတွက် ဖုန်းဆက်မိခြင်းဖြစ်သည်။

“မီးငယ်အတွက် လက်ဆောင်တစ်ခုပါလာတယ်။ စာအုပ်လေးတစ်အုပ်ပါ.. ယောနသံဇင်ယော။ မီးငယ် ဖတ်ဘူးလား။”
“ဖတ်တော့ မဖတ်ဘူးဖူး။ ကြားတော့ ကြားဖူးတယ်။”
“အေး. မီးငယ် ဆီ ပို့ပေးလိုက်မယ်။ မနက်ဖြန် မီးငယ်ကို လာခိုင်းရမှာလဲ အားနာတယ်ကွ။ ဒီဖက်ကိုက ဝေးတယ်လေ။ ငါ့ ဖာသာ ငါ စာတိုက်ကပဲ ပါဆယ်ပို့လိုက်ပါတော့မယ်ဟာ…”

ကိုယ်တိုင်ကိုယ်ကျပေးချင်သော်လည်း မတတ်သာသည့်အခြေအနေ၊ မီးငယ်ကိုလည်း အဝေးကြီးကို မလာခိုင်းရက်ပါ။ တွေ့ချင်သော ဆန္ဒတစ်ခုကို ချိုးနှိမ်ကာ ဖြစ်သင့်သော လုပ်ဆောင်မှုကိုသာ လုပ်ရပေတော့မည်။

“ကိုကြီးက မနက်ဖြန် ဘယ်အချိန်ပြန်မှာလဲ.. တပ်သားတွေကို ကားနဲ့တင်လွှတ်လိုက်ပြီးရင် ပြီးပြီမဟုတ်လား။ ညကျတော့မှ ကိုယ့်ဖာသာကို လိုင်းကားနဲ့လိုက်ပြန်ပေ့ါ။ ဇိမ်လေးနဲ့ အေးအေးလူလူတောင်ပြန်ရသေး..”
“ငါက တပ်ကတာဝန်နဲ့လာတာ။ ဒီလိုလုပ်လို့မရဘူးလေ။ တပ်မက ကားကိုတာဝန်ခံပြီးယူလာတာလေ။ ငါ ဘယ်လိုလုပ်နေခဲ့လို့ရမလဲ။ ဘယ်အချိန်ပြန်မယ်ဆိုတာကလဲ ကြိုပြောလို့မရဘူး။ ဒီမှာကိစ္စ၀ိစ္စတွေ ပြီးတာနဲ့ချက်ချင်းကောက်ပြန်မှာ။ မှန်းထားတာကတော့ ထမင်းစားပြီးတော့လောက်ပေ့ါ။”
“ကိုကြီးကလည်း အချိန်တခုသတ်မှတ်ပြီးတော့ ပြန်ပေါ့။ အချိန်အတိအကျပြောလေ..”
“မီးငယ်..တပ်မတော်မှာ ဟိုအချိန်ရယ် ဒီအချိန်ရယ်ဆိုပြီး ကိုယ်ပိုင်သတ်မှတ်ခွင့်မရှိဘူး။ အထက်ကအမိန့်အတိုင်း ခုပြန်ဆို ခုပြန်ရ။ မပြန်နဲ့နေဦးဆိုလည်း နေရမှာပဲ။ နင့်အစ်ကို ငါ စစ်သားဆိုတာ မမေ့နဲ့ဦး။ အေး.. ငါပြန်တော့မယ်ဆိုတာ နှုတ်ဆက်တာပါ။”

တဖက်မှ “အင်း”တစ်လုံးသာ ပြောပြီး ဖုန်းချသွားလေပြီ ကျွန်တော့်လက်ထဲတွင် ကိုင်ထားသော သူ့မအတွက် စာအုပ်လေးသည် ကျွန်တော့်ကို လှောင်ပြုံးကလေး ပြုံးပြနေသည်။
နောက်တစ်နေ့ ကိစ္စ၀ိစ္စများပြီးလို့ တပ်မတော် FAW ကားကြီး၏ လေးလှစွာသော တံခါးကြီးကို လေးကန်သော လက်များဖြင့် ပိတ်လိုက်ပြီး မ၀ံ့ရဲသော အကြည့်များဖြင့် လက်မှနာရီကို ကြည့်မိလိုက်သည်။ အချိန်ကား နေ့လည်တစ်နာရီထိုးလေပြီ။
နေ့လည်။ ၁း၀၀
“ကဲ… ဆရာကြီးရေ။ စထွက်ရအောင်”

ကျွန်တော်တို့ကားကြီးသည် တညင်းကုန်းလမ်းဆုံသို့ ထွက်လာခဲ့ပြီး ဌာနေတပ်သို့ တရွှေ့ရွှေ့ ပြန်လည် ထွက်ခွာလာခဲ့သည်။
ည။ ၁၀း၀၀
“ဟယ်လို… “

အိပ်ချင်မူးတူးအသံတစ်ခုဖြင့် ထူးသော ညီမငယ်အသံ။

“ငါပါ မီးငယ်။ ငါတပ်ပြန်ရောက်ပြီဆိုတာ လှမ်းပြောတာပါ။ ငါမနက်ဖြန်ရှေ့တန်းထွက်ရမယ်။ နေ့လည်ကတည်းက လှမ်းဖုန်းဆက်တယ်။ မနက်က ငါ့ကို တပ်က အားချင်းပြန်လာပါဆိုလို့ မီးငယ်ဆီ ဖုန်းဆက်တာလှမ်းပြောတာ ဖုန်းပိတ်ထားတယ်”
“ဟုတ်လား.. မီးငယ်က ဒီနေ့ စုဆောင်းရေးတပ်ကို ရောက်သွားတာ။ ကိုကြီးကို လာရှာတာလေ။ ဟိုရောက်တော့ ကြောင်တောင်တောင်နဲ့ လိုက်မေးတာလဲ ဘယ်သူမှ မသိဘူး။ တော်သေးတယ် သူငယ်ချင်းတစ်ယောက်ပါလို့။ မီးငယ်းက ကိုကြီးအတွက် ၀ယ်ထားတဲ့ စာအုပ်လေး လာပေးတာပါ။ တက္ကသိုလ်ဘုန်းနိုင်.. ညနက်နက်မှာလထွက်ခြင်း စာအုပ်လေ”
“ဟင်.. မီးငယ် က ဘယ်အချိန်ရောက်လာတုန်း။”
“၁း၁၅ လေ.. လမ်းမှာ မိုးတွေ အရမ်းသည်းလို့ ဖြေးဖြေးမောင်းလာရတာလေ။”

ကျွန်တော်၏ ဖုန်းကိုင်ထားသော လက်များသည် အေးခဲသွားသလိုခံစားလိုက်ရသည်။ ကံကြမ္မာကြီးက မျက်နှာသာမပေးပါချေ။ ကိုရီးယားကားများ၏ အလွဲများကို ကြည့်တိုင်း မဖြစ်နိုင်ဟု ဝေဖန်ကဲ့ရဲ့ခဲ့သော မိမိကို ကိုရီးယားမင်းသား၊ မင်းသမီးများကပင် နည်းတောင်နည်းသေးဟု လှောင်ရယ်နေသကဲ့သို့ပင်တွေးမိသည်။ သူမအတွက် ပေးခဲ့ချင်သောစာအုပ်”ယောနသံစင်ရော်”နှင့် သူမဆီမှ ကျွန်တော့်အတွက် ပေးချင်သာ စာအုပ်”ညနက်နက်မှာ လထွက်ခြင်း”။

“ရှေ့တန်းကို ပို့ပေးလိုက်မယ်လေ.. ကိုကြီး ဖတ်လို့ရတာပေါ့။ ဘုရားတရာလည်း မမေ့နဲ့နော်။ မေတ္တာသုတ်လေးဘာလေးရွတ်နော်။”

“အင်းပါ မီးငယ်ရယ်။ စာအုပ်ကတော့ နင်သာသိမ်းထားလိုက်ပါ။ ငါ အသက်မသေပဲပြန်လာရင် ငါကိုယ်တိုင် မီးငယ်ဆီက လာပြန်ယူမှာပါ။ ငါ့ကို သတိရရင်တော့ စစ်သည်တို့လိုရာတေးကဏ္ဍမှာသာ သီချင်းလေးတောင်းပေးလိုက်ပါ။ ငါရဲ့ ရေဒီယိုအိုလေးက ဒီအချိန်တော့ အသုံးဝင်လောက်ပါပြီ။”

ရှေ့တန်းစစ်မြေပြင်သို့ မသွားမှီ ဖြစ်ပျက်သွားသောအမှတ်တရလေးကို ရေးသားဖော်ပြလိုက်ပါတယ်။ ညီအစ်ကိုများလည်း ကျွန်တော့်ကဲ့သို့ ကိုရီးယားအလွဲလေးများ မတွေ့ကြုံကြပါစေနှင့်ဟု ဆုတောင်းရင်း…။
စာဖတ်ပရိသတ်များကိုလည်း ကျွန်တော် ရတခမှ ဒီအမှတ်တရအဖြစ်အပျက်ဆောင်းပါးလေးဖြင့် နှုတ်ဆက်ခဲ့ပါသည်။
လေးစားစွာဖြင့်
တချိန်က (ရတခ)

စာအပြည့်အစုံသို့….

ပြန်ခေါက်ထားနိုင်ပါသည်…